Presidenti iranian, Hassan Rouhani e ka përgëzuar presidentin e Sirisë Bashar al-Asad për fitoren e tij në “çlirimin e Halepit”, thanë zyrtarët e regjimit sirian të mërkurën.
Rouhani tha se ky ishte një hap i rëndësishëm drejt “zhdukjes së terrorizmit në Siri”, thuhet në llogarinë shtetërore të Twitter-it dhe raportohet nga mediat e regjimit.
Irani është një aleat ushtarak kyç i Damaskut.
Forcat e regjimit të Asadit dhe militantët shiitë të mbështetur nga Irani sulmuan Halepin të mërkurën, duke shkelur kështu armëpushimin e fundit të arritur pas ndërmjetësimit nga Turqia, ndërsa zhurma e shpërthimeve është dëgjuar në qytet në fillim të ditës.
Forcat e regjimit të Asadit dhe të mbështetura nga milicitë iraniane kanë kryer ekzekutime në Halep, duke hyrë në shtëpi dhe duke vrarë disa civilë pa mëshirë. Kombet e Bashkuara thanë se 85 civilë u vranë nga forcat e regjimit të martën, megjithatë, numri i dhënë nga burime lokale është shumë më e lartë. /tesheshi.com/
