Irani ka paralajmëruar Shtetet e Bashkuara se mund të marrin masa para Gjykatës Ndërkombëtare të Drejtësisë (ICJ) mbi veprimet e pretenduara të paligjshme kundër diplomatëve iranianë në Kombet e Bashkuara.
Zëdhënësi i Ministrisë së Jashtme iraniane Saeed Khatibzadeh tha se një shënim ishte dërguar në Uashington, përmes ambasadës zvicerane në Teheran, e cila përfaqëson interesat e SHBA në Iran.
Ai shtoi se Teherani mund t’i sjellë Shtetet e Bashkuara para ICJ për veprime të paligjshme, raporton Reuters.
Procesi sirian i paqes
Khatibzadeh tha se vendosja e sanksioneve ndaj ministrit të Jashtëm sirian Faisal Mekdad prishi procesin e paqes.
Një zëdhënës i Ministrisë iraniane reagoi ndaj vendimit të Bashkimit Evropian për të futur Mekdada-n në listën e të sanksionuarve dhe theksoi se lëvizja ishte “irracionale dhe shkatërruese” dhe mund të “komplikojë krizën siriane dhe t’i bëjë bisedimet e paqes më të vështira”, raportoi agjencia iraniane e lajmeve Irna. /tesheshi.com/
