Zv.presidenti i parë i Iranit, Eshaq Jahangiri, tha se vendi i tij kishte humbur rreth 100 miliardë dollarë të ardhura nga nafta për shkak të sanksioneve të SHBA.
Sipas agjencisë iraniane të lajmeve IRNA, Jahangiri tha në ceremoninë e vendosjes së themeleve për fabrikën petrokimike në provincën e Kermanshah se industria petrokimike është shumë e rëndësishme për ekonominë e atij vendi.
Ai gjithashtu u bëri thirrje biznesmenëve dhe përfaqësuesve të sektorit privat që të investojnë edhe më shumë në këtë fushë.
Ai vuri në dukje se ekonomia iraniane ka pësuar dëme të mëdha në vitet e fundit për shkak të sanksioneve të SHBA.
“Sanksionet kanë shkaktuar dëme prej rreth 100 miliardë dollarësh nga të ardhurat e naftës. Po të mos ishte kjo, njerëzit nuk do të ekspozoheshin ndaj kushteve të tilla ekonomike”, tha Jahangiri.
Më 26 shtator, 2020, Presidenti iranian Hassan Rouhani deklaroi se humbjet totale të shkaktuara nga sanksionet e vendosura nga Shtetet e Bashkuara në 2018 arrijnë në 150 miliardë dollarë.
Marrëdhëniet SHBA-Iran u përkeqësuan në 2015 pasi ish-Presidenti Trump mori vendimin për të tërhequr SHBA nga Marrëveshja Ndërkombëtare mbi Programin Bërthamor të Iranit dhe rinovimin e sanksioneve ndaj Teheranit. /tesheshi.com/
