Garda Revolucionare Iraniane i ka kërkuar Arabisë Saudite dhe Emirateve të Bashkuara Arabe që ose të respektojnë linjat e kuqe të Teheranit ose të përballen me hakmarrje.
“Nëse kaloni vijat tona të kuqe, ne me siguri do të kalojmë. Ju e dini stuhinë që iranianët mund të krijojnë”, tha zëvendësdrejtori i Gardës, Hussein Salami për agjencinë Fars, raporton Reuters.
Irani ka akuzuar Arabinë Saudite dhe Emiratet e Bashkuara Arabe për financimin e pesë burrave të armatosur të cilët sulmuan një paradë ushtarake në Iran të shtunën e kaluar ku u vranë 25 persona. /tesheshi.com/
