Irani i mirëpriti sulmet ajrore dhe operacionet ushtarake të Rusisë kundër grupeve “terroriste” në Siri, tha një zyrtar i lartë iranian të premten.
Irani e përshëndet vendimin e presidentit rus Vladimir Putin për “luftë serioze” kundër terrorizmit në Siri, si dhe ndihmën e mundshme të Rusisë në Irak në të ardhmen, për të kundërshtuar terroristët, citon televizioni shtetëror iranian IRIB të ketë thënë zëvendësministri i jashtëm i Iranit për çështjet arabe dhe afrikane.
“Ne besojmë se lëvizja e Moskës (në Siri) është e rëndësishme dhe efektive për të luftuar terrorizmin në rajon”, teksa operacioni i koalicionit të udhëhequr nga ShBA-ja kundër grupeve terroriste në Siri nuk ka qenë i suksesshëm që nga formimi i tij vitin e kaluar, tha ai.
Irani do të vazhdojë mbështetjen e tij për qeverinë siriane dhe atë irakiane në luftën e tyre kundër terrorizmit, shtoi zëvendësministri i jashtëm iranian. /tesheshi.com/
