Irani është i gatshëm të pranojë ndryshimet në marrëveshjen bërthamore të vitit 2015 nëse Shtetet e Bashkuara i kthehen zotimeve dhe heqin sanksionet, tha një zëdhënës i qeverisë.
“Nëse sanksionet mbarojnë dhe ka një kthim në marrëveshjen bërthamore, ka vend për prishjen e bllokadës dhe Presidenti Hassan Rouhani ka madje një propozim për ndryshime të vogla në marrëveshje”, tha zëdhënësi Ali Rabiei për televizionin shtetëror.
Tensionet në Lindjen e Mesme janë rritur pas sulmeve në dy objekte kryesore të naftës në Arabinë Saudite.
Sulmet e 14 shtatorit shkatërruan më shumë se gjysmën e prodhimit të eksportuesit më të lartë botëror – pesë përqind të furnizimit global të naftës – ose rreth 5.7 milion fuçi në ditë.
Arabia Saudite, ndërkohë, premtoi se do të “përballet dhe do të merret me këtë agresion terrorist”, ndërsa Presidenti amerikan Donald Trump la të kuptohet për veprime të mundshme ushtarake. /tesheshi.com/
