Irani fajëson kundërshtarin e tij rajonal Izraelin për incidentin e së dielës në uzinën bërthamore Natanz dhe njofton hakmarrjen për të, njoftoi televizioni shtetëror Iranian, duke iu referuar deklaratave të ministrit të Jashtëm Mohammad Javad Zarif.
Teherani zyrtar deklaron se uzina ishte shënjestra e “terrorizmit bërthamor”.
“Sionistët duan të hakmerren ndaj nesh për përparimin tonë,” tha Ministri i Jashtëm iranian Zarif.
“Ata thanë publikisht se nuk do ta lejonin. Por ne do të hakmerremi ndaj tyre për veprimet e tyre “.
Më herët, u njoftua pozicioni i shefit të programit bërthamor iranian, Ali Akbar Salehi, i cili tha se aksidenti në uzinën bërthamore nëntokësore Natanz të dielën ishte pasojë e një “akti terrorist”, raportoi televizioni shtetëror.
Irani ka të drejtë të ndërmarrë veprime kundër autorëve, tha Salehi për incidentin që erdhi një ditë pasi Irani mbikëqyri nisjen e centrifugave të avancuar në Natanz në Ditën Kombëtare të Teknologjisë Bërthamore.
Radio izraelite njoftoi të dielën se shërbimi sekret Mossad kishte kryer një sulm kibernetik në uzinën bërthamore të Iranit Natanz, njoftoi Reuters. Raporti i Radios Kan citon një burim të fshehtë të inteligjencës, por nuk tregon kombësinë e tij.
Askush nuk u lëndua në incident. /tesheshi.com/
