Debati thuajse 12-vjeçar mbi ambiciet bërthamore të Iranit duket se është drejt fundit të tij, ndërsa takimi në Vjenë mes zyrtarëve të gjashtë fuqive botërore dhe atyre iranianë duket se do të mbyllet me një marrëveshje historike.
Zëvendësministri rus i Punëve të Jashtme nuk e përjashtoi sot mundësinë e një marrëveshje në orët në vijim, edhe pse kanë mbetur pa u zgjidhur disa hollësi.
Në të njëjtin linjë qe dhe homologu iranian, i cili tha se teksti kryesore i marrëveshjes, si edhe pesë anekset teknike, ishin rreth 96 për qind të përfunduara.
Mes pikave ende të pazgjidhura është kërkesa e Iranit për heqjen e embargos së armëve të imponuar nga Këshilli i Sigurimit i OKB-së, teksa është rënë dakort përgjithësisht për heqjen e sanksioneve.
Afati për arritjen e një marrëveshje është shtyrë dy herë gjatë dy javëve të fundit, ndërkohë që SHBA-të, Britania, Franca, Gjermania, Rusia dhe Kina kërkojnë nga Teherani frenimin e aktiviteteve bërthamore në këmbim të lehtësimit apo heqjes së sanksioneve.
Një marrëveshje kornizë qe arritur më herët gjatë këtij viti mes aktorëve të mësipërm, por data 30 qershor qe lënë si afati kur ajo do të merrte formë të plotë. /tesheshi.com/
