Presidenti iranian ka shfrytëzuar një manifestim të mijërave njerëzve në Teheran në përkujtim të revolucionit islamik për të shprehur kundërvënien ndaj SHBA-së, posaçërisht ndaj administratës së sotme amerikane.
Ndërsa retorika e ndërsjelltë, mes Iranit dhe SHBA-së, sa vjen e ashpërsohet, Hasan Ruhani ka paralajmëruar se ata që përdorin “gjuhë kërcënuese” ndaj vendit të tij do të pendohen.
“Iranianët do t’i bëjë të pendohen ata të cilët përdorin gjuhë kërcënuese kundër këtij vendi.”
Tone të tilla qenë paralajmëruar që të martën, kur udhëheqësi suprem i Iranit, Ajetullah Ali Hamenei, u kërkoi iranianëve të marrin pjesë në manifestime për të treguar se vendi i tyre nuk frikësohej nga kërcënimet amerikane.
“Kjo pjesëmarrje është një përgjigje ndaj komenteve të rreme nga qeverisësit e rinj në Shtëpinë e Bardhë, dhe njerëzit po i tregojnë botës nëpërmjet pranisë së tyre se për popullin iranian duhet folur me respekt,” do të thoshte sfidues Hasan Ruhani.
Tensionet mes dy vendeve u shtuan në fund të janarit pas provave raketore iraniane dhe sanksioneve të reja amerikane.
Presidenti amerikan do t’i kujtonte Iranit se po luante me zjarrin, ndërkohë që shefi i ri i Pentagonit e cilësoi këtë vend si “sponsorizuesin më të madh shtetëror në botë të terrorizmit”. /tesheshi.com/
