Në një reagim pas ngrirjes nga ana e Tiranës zyrtare të marrëdhënieve diplomatike me Iranin, Teherani nuk i ka pranuar akuzat e Ramës për autorësinë e sulmit kibernetik ndaj shërbimeve të qeverisë shqiptare.
Ministri Punëve të Jashtme, Nasser Ka’nani tha se dhe vetë Irani ka qenë shënjestër sulmesh.
“Vendimi për të ndërprerë marrëdhëniet politike me vendin tonë bazuar në pretendime të tilla të pabaza, është një veprim të pamenduar dhe dritëshkurtër në marrëdhëniet ndërkombëtare. Si një nga vendet që ka qenë objektiv i sulmeve kibernetike në infrastrukturën e saj kritike, Republika Islamike e Iranit kundërshton dhe dënon çdo përdorim të hapësirës kibernetike si mjet për të sulmuar infrastrukturën e vendeve të tjera”, tha ministri iranian.
Ai shtoi se vendet e treta që mbështesin terrorizmin kanë luajtur një rol kyç në vendimin e gabuar të Shqipërisë, duke ju referuar këtu Izraelit dhe Shteteve të Bashkuara të Amerikës.
Më tej Ka’nani nënvizoi se deklaratat e menjëhershme të regjimit të SHBA-së dhe Izraelit pas njoftimit të Shqipërisë tregojnë një komplot dhe fushatë të re kundër Iranit.
Deklarata më tej theksoi strehimin e Shqipërisë për grupin e MEK dhe “shpreh keqardhjen që Tirana është ndikuar në vendimet e saj të papërshtatshme nga palë të treta”. /tesheshi.com/
