Drejtori i Bankës Qendrore të Iranit, Abdunnasir Himmeti, tha se vendi nuk mund të blinte vaksinën kundër virusit corona nga jashtë për shkak të sanksioneve të vendosura nga Shtetet e Bashkuara të Amerikës.
Në një postim në rrjetin social, Himmeti iu përgjigj kritikave për shkak të pamundësisë që vendi i tij të merrte vaksinën kundër COVID-19.
Ai mohoi akuzat se sanksionet e SHBA-së nuk ndalojnë blerjen e vaksinës kundër COVID-19. Himmeti gjithashtu tha se ata përballen me pengesa në atë drejtim për shkak të sanksioneve.
“Vaksina e koronavirusit (COVAX) duhet të blihet zyrtarisht përmes Organizatës Botërore të Shëndetësisë (OBSH). Ne kemi provuar të gjitha llojet e pagesave dhe transferimeve të parave për këtë, por ne jemi përballur me pengesa për shkak të sanksioneve çnjerëzore të qeverisë amerikane dhe detyrimit për të marrë një licencë OFAC për kontrollin e pasurive të huaja të Departamentit të Thesarit të SHBA”, tha Himmeti.
Sipas tij, ata po kërkojnë mënyra të ndryshme për të transferuar para.
Marrëdhëniet SHBA-Iran u përkeqësuan në 2015 pasi Donald Trump mori vendimin për t’u tërhequr nga Marrëveshja Ndërkombëtare për Programin Bërthamor të Iranit dhe rinovimin e sanksioneve ndaj Teheranit. /tesheshi.com/
