Rrjeti i shpërndarjes së energjisë elektrike në kompleksin bërthamor iranian Natanz kishte probleme në funksionim vetëm disa orë pasi filluan centrifugat, të cilat pasurojnë uraniumin më shpejt, raportoi televizioni shtetëror.
Askush nuk u lëndua në incident.
“Incidenti nuk shkaktoi viktima ose ndotje. Rrjeti i energjisë u godit”, konfirmoi Behrouz Kamalvandi, një përfaqësues i programit bërthamor civil i Iranit.
Organizata Iraniane e Energjisë Atomike, pjesa civile e programit bërthamor, nuk e ka komentuar ende ngjarjen.
Një shpërthim misterioz ndodhi në Natanz në korrik, të cilin autoritetet më vonë e përshkruan si sabotim.
Izraeli, armiku kryesor rajonal i Iranit, dyshohet për sulmin, si dhe sulme të tjera.
Irani njoftoi dje se ka vënë në punë centrifuga të reja, të modernizuara që mundësojnë pasurimin më të shpejtë të uraniumit, përdorimi i të cilave është i ndaluar në përputhje me dispozitat e marrëveshjes bërthamore të atij vendi të arritur me fuqitë botërore në 2015. /tesheshi.com/
