Janë hapur sot kutitë e votimit në të gjithë Irakun në zgjedhjet e katërta parlamentare pas rënies së regjimit të Sadam Huseinit dhe të parat pas çlirimit të zonave të administruara nga ISIS.
Megjithatë, organizata misterioze terroriste që shfaqet e zhduket si “me magji” ka arritur të vrasë 3 kandidatë për deputetë dhe ende ekziston ankthi se mund të ketë incidente gjatë ditës.
Për 329 vendet e parlamentit iraken konkurojnë 88 lista të ndryshme partiake duke e fragmentarizuar edhe më shumë situatën politike në vend.
Iraku është një vend ku ndarjet sektare janë mjaft të theksuara dhe përveç ndarjes etnike ndërmjet arabëve dhe kurdëve, ekziston një konflikt mjaft i fortë ndërmjet arabëve sunitë dhe atyre shiitë proiranianë.
Këta të fundit janë shumicë dhe dominojnë qeverinë që prej hyrjes së amerikanëve në Irak.
Këto zgjedhje janë të rëndësishme për të parë se si do të zhvillohet politika pas lineimit të fortë të SHBA-së ndaj Iranit dhe influencës që Arabia Saudite ka ndaj politikës së sunitëve.
Që prej largimit të Sadam Husseinit nga pushteti, sunitët irakenë nuk kanë pasur asnjë lloj pushteti në vend, i cili është ndarë nga shiitët dhe kurdët. /tesheshi.com/
