Iraku po ofron ndërmjetësimin e krizës në mes SHBA-ve dhe Iranit, duke u përpjekur për të ndaluar eskalimin e tensioneve në Lindjen e Mesme.
Është ministri i jashtëm i vendit, Mohammed al-Hakim ai që ka bërë “ofertën” me rastin e vizitës në Bagdad të homologut iranian Javad Zarif
“Po përpiqemi të ndihmojmë dhe të shërbejmë si ndërmjetësues,” tha al-Hakim, duke shtuar se Bagdadi do të punoj për një zgjidhje të kënaqshme, por duke pranuar në anën tjetër se Uashingtoni po merr hapa të njëanshëm.
Është një histori e përgjakshme që përcjellë Irakun me të dy palët në konflikt, një që ka lënë miliona viktima dhe vatra konfliktuoze ende të pashuara.
Analistët thonë se qeveria e Irakut po përpiqet të përfitojë nga ndërmjetësimi, ndërkohë që paqja do të ishte e mirëseardhur në rajonin tashmë të trazuar. /tesheshi.com/
