Motoristë në Bagdad, të quajtur ndryshe dhe si “bikersa irakianë”, kanë vendosur jo vetëm të shpalosin dashurinë për motoçikletat dhe veshjet me lëkurë të zezë, por që entuziazmi i tyre të ndihmojë Irakun që të kapërcyeje hendekun e thellë fetar.
“Qëllimi ynë është të ndërtojmë një vëllazëri”, tha Bilal al-Bajatova, një zyrtar i qeverisë i cili në vitin 2013 themeloi klubin në mënyrë që të promovojë unitetin, pas disa vitesh të ndarjes fetare, me imazhin e bikersave.
Prandaj, rregulli i parë i klubit të tij bikers është “jo të folurit për politikë”.
“Eshtë absolutisht e ndaluar për të folur për politikën në mesin e anëtarëve. Sa herë që përmendet dicka me theks politik, anëtarët marrin një paralajmërim një herë apo dy herë para se të përjashtohen. Ne nuk kemi më shumë forcë për të duruar një tragjedi të tillë, ose për t’i përsëritur ato”, ka thënë Al-Bajatova për Reuters, duke aluduar mbi ndarjet fetare.
Grupi “bikersat e Irakut” përbëhet nga 380 burra të të gjitha moshave, anëtarët e të gjitha klasave shoqërore dhe feve të ndryshme. /tesheshi.com/
