Një iPhone i papërdorur i gjeneratës së parë të vitit 2007 me vlerë 599 dollarë do të dalë në ankand me pronaren e tij që shpreson të arrijë më shumë se 50,000 dollarë.
Smartphone, si pajisja e mbajtur nga i ndjeri Steve Jobs në prezantimin e tij të paharrueshëm të Apple, ka një kamerë 2 megapiksel dhe memorie 8 GB.
Telefoni iu dha Karen Green-it si dhuratë kur ajo mori një punë të re atë vit, sipas uebsajtit Business Insider.
Por Green tashmë kishte një telefon tjetër, të ri dhe iPhone që i ishte bërë dhuratë nuk ishte në përputhje me rrjetin e telefonisë celulare që ajo përdorte.
Në vend që ta hapte iPhone-in, ajo e la në kutinë e vet në një raft. Pajisja mbeti aty për vite me radhë.
Kur tetorin e kaluar, ajo dëgjoi se një iPhone i gjeneratës së parë të vitit 2007 ishte shitur për 39,339.60 dollarë, vendosi të bënte të njëjtën gjë.
Siç raporton gazeta britanike Guardian, artistja e tatuazheve kozmetike ka kontaktuar shtëpinë e ankandeve LCG Auctions, e cila është “bombarduar” nga kërkesa të ngjashme të pronarëve të iPhone-ve të vjetër.
“Por në 99% të rasteve, këta njerëz nuk kanë diçka të koleksionueshme, si iPhone i stampuar i Green-it”, tha Mark Montero, kreu i LCG Auctions.
“Karen ka një pjesë vërtet unike me një histori të mrekullueshme. Ishte tronditëse, pas kaq shumë dështimesh”.
LCG Auctions vlerëson se telefoni i saj celular do të shitet për të paktën 50,000 dollarë.
Ankandi do të përfundojë më 19 shkurt.
Vlen të theksohet se gjenerata e parë e iPhone u lëshua në vitin 2007 në dy versione: një me memorie 4 GB me vlerë 499 dollarë dhe një me 8 GB memorie dhe një çmim prej 599 dollarë.
Telefoni celular me ekran me prekje kombinoi aksesin në internet dhe muzikën iPod për herë të parë, me një aparat fotografik dixhital të integruar 2 megapiksel dhe aftësitë e riprodhimit të videos.
Mirëpo pronarja e celularit nxitoi të pretendonte se po e nxjerr në… çekiç me zemër të ftohtë…
“Ajo shpjegoi se vendosi të shesë iPhone tani për të financuar studion e saj të sapohapur të tatuazheve në New Jersey.
“Nëse do të mund ta mbaja për rreth 10 vjet të tjera, ndoshta do ta bëja”, tha ajo për Business Insider, duke shtuar:
“Arsyeja e vetme që po e shes është sepse më duhet të mbështes biznesin”. /tesheshi.com/
