Nëse keni menduar deri më tani se iPhone vijon të jetë celulari që shet më së shumti, e keni gabim. Pas shtatë vitesh në treg, është Huawei ai që ia ka marrë vendin gjigantit të Apple.
Sipas kërkimit të fundit të Counterpoint Research, dominimin e madh, të cilin me vite e kishin Samsung dhe Apple në fushën e shitjes së telefonave, e ka ndërprerë kompania Huawei, e cila tash mban pozitën e dytë të prodhuesit më të madh të telefonave.
Counterpoint Research thekson se sipas rezultateve nga qershori dhe korriku, Huawei ka kaluar Apple.
Sugjerohet se kjo është situatë momentale, pasi që gjërat do të ndryshojnë pas publikimit të iPhone 8 javën e ardhshme.
Rezultatet pozitive të Huawei i atribuohen investimeve konstante në kërkim dhe zhvillim, së bashku me marketingun agresiv dhe zgjerimin e kanalit të shitjes./tesheshi.com/
