iPad Air 2 mund të jetë tableti më i hollë i krijuar deri tani. Tableti më i ri i kompanisë Apple do të sjellë dizajn unik dhe ndriçim të ri të ekranit, dhe këto tipare do ta bëjnë tabletin iPad Air 2 që të jetë 0.5 mm më i hollë sesa versioni aktual. iPad Air 2 do të prezantohet më 16 tetor.
Për sa i përket veçorive, ky tablet do të ofrojë procesorin A8, 2 GB RAM si dhe do të vijë me teknologjinë Touch ID. Ekrani do të jetë 9.7 inç, ndërsa rezolucioni nuk është bërë i ditur akoma.
Nuk dihet nëse ky rezolucion do të mbetet i njëjtë si tek tableti iPad Air, 2048 x 1536 pikselë, apo do të rritet më shumë.
Kamera e pasme do të jetë 8 megapiskelë, dhe thuhet se do të ketë një përmirësim edhe tek kamera ballore gjithashtu.
Ky tablet do të vijë me tri modele të hapësirës së brendshme, si me 32GB, 64GB dhe 128GB. Përveç ngjyrës së zezë dhe argjendi, tableti iPad Air 2 do të vijë edhe në ngjyrë ari. Apple do të prezantojë tabletët iPad Air 2 dhe iPad mini 3 më 16 tetor./tesheshi.com/
