Filippo Inzaghi beson se do të jetë më e vështirë për Juventusin këtë sezon, por ata mbeten favoritët për të fituar titullin.
Ish-sulmuesi i bardhezinjve dhe Milanit, i cili tani është një trajner i skuadrës së Venecias në Seria B, dha mendimin e tij për garën e titullit të Serie A këtë vit.
“Unë mendoj se do të jetë një ligë më e balancuar, pasi ekipet e tjera janë forcuar”, ka thënë fillimisht Inzaghi për CalcioNeës24.
Në vijim ai shtoi se me largimin e Leonardo Bonuçit, Juventusi ka humbur diçka.
“Napoli luan me të vërtetë mirë, ata kanë një stil shumë koheziv. Milani është forcuar shumë, Interi ka marrë lojtarët më të mirë dhe Roma kanë bërë disa ndeshje vërtet të mira.
Kështu që unë mendoj se do të jetë një ligë e balancuar dhe do të jetë më e vështirë për Juventusin të fitojë Scudetton këtë sezon krahasuar me vitet e mëparshme”, thotë Inzaghi.
/tesheshi.com/
