Pas një seance maratonë që zgjati rreth14 orë, është miratuar marrëveshja për Portin e Durrësit, ajo e cila sjell emiratasit për të ndërtuar aty një port të ri turistik si dhe një zonë rezidenciale me pretendime të mëdha.
Marrëveshja morri 74 vota pro dhe 35 kundër, ku për ironi nuk votoi njeriu kryesor i projektit të shumëdebatuar, kryeministri Rama.
Në përfundim të votimit, socialistët duartrokitën në atë që e quajnë një “marrëveshje që do i sjellë vendit një bum ekonomik”.
Orë më pas, vetë Rama publikoi një videmontazh me Portin e Durrësit, duke ndërlidhur pamjet me pjesë nga fjalimi i tij në parlament. Aty, ai argumentoi se pse porti aktual s’mund të jetë më aty. /tesheshi.com/
