Kryeministri Rama i ka kushtuar një status asaj që e quan krenari shqiptare, Air Albania, kompania e re ajrore shqiptare që starton në qershor.
“AIR ALBANIA NJE FAQE E RE NE HISTORINE E UDHETAREVE SHQIPTARE
A dëshiron të punosh në kompaninë ajrore të Shqipërisë që së shpejti do të ngrejë avionët e saj?
Ambicia jonë është që AIR ALBANIA të bëhet zgjedhja e parë e çdo shqiptari dhe duam që vajza e djem të zgjedhur të këtij vendi, të mikpresin e të shërbejnë në bordin e avionëve të krenarisë sonë kombëtare.
Çdo vajzë e djalë që përmbush kriteret dhe dëshiron të provojë veten në konkursin për një vend në trupën e kompanisë kuqezi, është i mirëpritur”, shkruan Rama.
Air Albania është një kompani e krijuar nga gjigandi ndërkombëtar i fluturimeve, Turkish Airlinies.
Në 5 vitet e qeverisjes së Ramës, Air Albania konsiderohet si investimi më i madh në ekonomi, ku dhe në emër të një prestigji, Shqipëria afirmohet me një kompani të sajën në tregun e fluturimeve ajrore. /tesheshi.com/
