Bill Gates është pjesë e një grupi “të zgjedhur” investitorësh miliarderësh në një startup teknologjik australian për të trajtuar ndryshimet klimatike. Kompania fillestare ka plane për të reduktuar emetimin e gazit të metanit nga industria blegtorale duke krijuar një aditiv të ri që do të përmirësojë ushqimin e kafshëve.
Breakthrough Energy Ventures LLC., e udhëhequr nga themeluesi i Microsoft Corp. dhe i mbështetur nga Andrew Forrest i Harvest Road Group, mori pjesë në raundin e dytë të mbledhjes së fondeve për startupin Rumin8 Pty.
Kompania me bazë në Perth, Australi po krijon një aditiv ushqimor që do të bazohet në një bromoform sintetik (CHBr3) që është një përbërës i algave të kuqe.
Përdorimi i ushqimit të kafshëve të këtij lloji mund të reduktojë emetimet e metanit me 98% sipas kërkimeve shkencore.
Duhet të theksohet se 1/3 e emetimeve të metanit nga burimet njerëzore janë për shkak të blegtorisë dhe janë faktori i dytë më i madh në ndryshimet klimatike pas emetimeve të dioksidit të karbonit.
Ky investim vjen në një kohë kur sytë e shumë shkencëtarëve dhe publikut janë kthyer drejt praktikave të industrisë blegtorale.
Gates ka investuar gjithashtu në kompani të tjera alternative të mishit vegan si Beyond Meat Inc. dhe Impossible Foods Inc.
Përveç Gates, lista e investitorëve përfshin themeluesin e Amazon.com Inc., Jeff Bezos, themeluesin e Alibaba Group Holding, Jack Ma dhe ish-kryebashkiakun e New York-ut dhe themeluesin e Bloomberg LP, Michael Bloomberg. /tesheshi.com/
