Miliarderët amerikanë që ndihmuan në financimin e fushatës së Donald Trump për presidencën, kanë luajtur një rol kyç edhe në fushatën për largimin e Britanisë së Madhe nga Bashkimi Europian. Nga kërkimet e “The Observer”, rezulton se Robert Mercer, miliarder në fushën e investimeve të rriskut, që ndihmoi financimin e fushatës së Trump dhe që u shfaq si një nga pronarët e rrjetit të lajmeve të krahut të djathtë, Breitbart, është një mik i vjetër i Nigel Farage. Ai urdhëroi kompaninë e tij të analizimit të të dhënave për të furnizuar me ekspertizë fushatën Brexit, sesi ata të shënjestronin votuesit e lëkundur përmes Facebook-ut- një donacion në shërbime që nuk u deklarua në komisionin zgjedhor.
“Cambridge Analytica”, degë e një kompanie britanike, “SCL Group” e që ka 25 vjet përvojë në fushatat e dezinformimit ushtarak, dhe “menaxhimit të zgjedhjeve”, pretendon se përdor teknologjinë e “prerjes së anëve” për të ndërtuar profile psikometrike të afërta të votuesve për të gjetur dhe shënjestruar nxitësit e tyre emocionalë.
Ekipi Trump e pagoi kompaninë më shumë se 6 milionë dollarë për të shënjestruar votuesit e lëkundur, dhe tani rezulton se Mercer ka përdorur kompaninë –ku ai ka pjesën më të madhe të aksioneve – edhe për të ndihmuar Farage.
Drejtori i komunikimit të “Leave.eu”, Andy Wigmore tha për gazetën “The Observer” se miqësia e hershme e Farage me familjen Mercer e drejtoi këtë të fundit për të ofruar ndihmën e tij falas – falas- për fushatën Brexit për shkak të qëllimeve të tyre të përbashkëta. Wigmore tha se ai e kishte paraqitur Farage dhe Leave.eu tek “Cambridge Analytica”: “Ata ishin të kënaqur të ndihmonin. Për shkak se Farage është një mik i mirë i Mercerëve. Dhe Mercer na e paraqiti neve. Ai tha ‘ja ku është kompania që ne mendojmë se do të jetë e dobishme për ju’. Dhe ajo që ata po përpiqeshin të bënin në Shtetet e Bashkuara dhe ajo që ne po përpiqeshim të bënim kishte paralele të forta. Ne ndamë së bashku shumë informacione”.
Strategjia përfshinte vjeljen e të dhënave nga njerëzit në Facebook dhe profile të tjera të medias sociale dhe më pas përdorimin e “mësimeve mekanike” për t’u shtrirë në rrjetet e tyre. Wigmore pranon se teknologjia dhe niveli i informacioneve të mbledhura nga njerëzit ishte “i frikshëm”. Ai thotë se fushata e përdori këtë informacion, të kombinuar me të dhëna sekrete, për të vendosur se kush do të shënjestrohej me publicitet shumë të individualizuar dhe kishte ndërtuar një bazë të dhënash për më shumë se 1 milion njerëz, bazuar në këshillat që jepte “Cambridge Analytica”.
Sipas ligjit, të gjitha donacionet në formë shërbimi me vlerë më të madhe se 7500 paundë duhet të deklarohen pranë komisionit zgjedhor. Një zëdhënës tha se ka asnjë deklarim për donacion nga Mercer për “Leave.eu”.
Në dokumentacionin e Leave.eu pranë komisionit, raportohet se “Cambridge Analytica” ishte një “partner strategjik”, por zyrtarët e sj mohuan në mënyrë kategorike se ka të dhëna se kompania ka punuar për fushatën Brexit.
Mercer – dhe vajza e tij, Rebekah – po shfaqen si figura kyç në hierarkinë e pushtetit të Trump dhe, ashtu si dhe “The Observer” e detajon në artikull, edhe në ndërprerjen strategjike të punës së medias së rrymës.
Shkencëtar brilant kompjuterik që kreu punë inovatore me IBM0në për inteligjencën artificiale, Mercer ka fituar miliarda me teknologjinë e Rilindjes, një kompani e investimit të rriskut që është e specializuar në tregtimin e automatizuar. Sikundër financoi fushatën e Trump, ai inkurajoi presidentin të merrte dy këshilltarë kryesorë – Steve Bannon dhe Kellyanne Conway – ndërsa një artikull në “The Washington Post” tregoi se ai është edhe një nga pronarët e Breitbart. Deri më tani, lidhjet e Mercer i kanë shpëtuar shqyrtimit të hollësishëm, sidomos në lidhje me median.
Breitbart, që është kthyer në platformën drejtuese të “alt-right”, është vetëm një nga shumë investimet që synojnë të ndryshojnë peisazhin e medias dhe pikëpamjet politike jo vetëm në Shtetet e Bashkuara, por edhe në Britani. Një version i Breitbart nisi në vitin 2014, me synimin e qartë për të ndikuar zgjedhjet e ardhshme.
Reagimet ndaj këtij lajmi kanë qenë të shumta. Ekspertë të rëndësishëm në fushën e ndikimit të teknologjisë në zgjedhje e cilësuan pohimin si “ekstremisht shqetësuese dhe gati djallëzor”. Sipas tyre, ai minon gjithë bazën e sistemit elektoral, që duhet të luhet mbi një fushë të sheshtë”.
Por, detajet sesi shënjestrohen njerëzit me anë të teknologjisë ngrenë dyshime shumë serioze. Për më tepër, që në këtë drejtim, nuk ka asnjë mundësi të shqyrtimit të fakteve nga publikum, dhe kjo e bën një fenomen trazues.
Përgatiti: Juli Prifti – /tesheshi.com/
