Vendimi i gazetës “Times” për t’ia dhënë detyrën e intervistimit të Donald Trump për politikën e jashtme, një deputeti konservator dhe fushatues të Brexit, mund të ketë shkaktuar kritika në Britani, mirëpo bashkëintervistuesi gjerman i tij ka sjellë alarm në Gjermani, pasi bëhet fjalë për një figurë kontroverse.
Që kur u bashkua me “Axel Springer”, shtëpinë botuese më të madhe të Gjermanisë, si një trajner në vitin 1984, Kai Diekmann ka qenë një ndër operatorët më të fuqishëm dhe më të larmishëm në media dhe në politikë. Në veçanti, lidhjet e tij të ngushta me politikanë konservatorë e kanë bërë atë shpesh një “gogol” për të majtën gjermane.
Pasi punoi në disa pozicione të ndryshme editorialiste për dy publikimet më të mëdha të “Axel Springer” – gazetës së printuar më të shitur në botë jashtë Azisë, “Bildt” dhe gazetës së një niveli më të lartë “Die Welt” – Diekmann mori drejtimin e drejtuesit të “Bildt” në vitin 2001, me gjasa një lëvizje për t’u bërë botues i grupit “Bildt”.
Mbështetësit e Diekmann këmbëngulin se ai arriti ta drejtojë tabloidin e anuar djathtas, politikisht drejt qendrës – duke lëshuar po aq zemërim ndaj populistëve të ekstremit të djathtë të lëvizjes Pegida dhe AfD-së, ashtu si edhe nga armiqve të vjetër të partisë së Gjelbër dhe lëvizjes studentore të vitit 1968. Të gjitha këto edhe pse kritikët e tij vijuan të gjejnë probleme në lidhjet e tij të ngushta me politikanët konservatorë.
Ish-kancelari gjerman, Helmut Kohl ishte një nga të ftuarit e nderit në dasmën e Diekmann me kolumnisten Katja Kessler në vitin 2002; në këmbim, redaktori i gazetës ishte një nga ëshmitarët në martesën e dytë të Kohl, gjashtë vjet më vonë. Zyrat e gazetës Taz janë të zbukuruara me një murale ku shfaqet karikatura e Diekmann-it të zhveshur.
Në vjeshtën e vitit 2012, Diekmann u zhvendos në “Silicon Valley” për gati një vit për të eksploruar ekonominë e medias dixhitale, duke shndërruar edhe pamjen e tij. Të hënën, media gjermane spekuloi se lidhjet e tij me sipërmarrësit kalifornianë kishin luajtur rol në marrjen nga ana e tij të rolit intervistues me presidentin e zgjedhur, Trump.
Një zëdhënës i “Axel Springer” konfirmoi vetëm se Diekmann kishte organizuar intervistën personalisht. Në një intervistë me “Frankfurter Allgemeine Zeitung”, 52-vjeçari tha se “për mua, në 16 vjetët e fundit ka qenë gjithnjë e rëndësishme që të organizoja dhe realizoja intervista personalisht”.
Skupi gazetaresk vjen ndërsa ai pritet të largohet nga publikimet ku vuri emër. Në një postim në rrjetet sociale, Diekmann e përshkroi intervistën me Trump si “praninë e vet në ikje”.
Më 6 janar, doli se ai po hetohej nga gjykata për ngacmime seksuale ndaj një të punësuare të “Bildt” edhe pse kompania këmbëngul se largimi i tij nuk ka të bëjë me këtë çështje.
Diekmann tha për “Frankfurter Allgemeine” se biseda me Trump kishte qenë “intervista më e pazakontë” e karrierës së tij. “Për shkak se përgjigjet nuk ishin të lëmuara e të zbukuruara si të dilnin nga lavatriçja, pasi tonelata me këshilltarë komunikimi t’i kishin marrë në shqyrtim”.
“Pasi fola me të për një orë”, tha Diekmann, “”pata përshtypjen se pikëpamjet e Trump për Shtetet e Bashkuara janë ato si për një biznes që nuk po funksionon edhe aq mirë dhe po prodhon figura të këqija. Ai është shefi i ri Ekzekutiv që duhet ta rregullojë gjithë këtë”.
Përgatiti: Juli Prifti -/tesheshi.com/
