Partia Demokratike ka reaguar ashpër ndaj kongresmenit të njohur Xhozef Dioguardi, të cilin jo pa qëllim e ka quajtur dhe një “ish”, pas një interviste ekskluzive dhënë prej tij në tesheshi.com dhe vjedhur më pas nga Top Channel.
Për PD-në, Dioguardi ngjan tashmë me një lobist të Edi Ramës, ku mundet dhe të jetë paguar prej tij.
“Nga mungesa e skrupujve, duket se është paguar mirë. Ky ish-kongresmen, teksa flet për Shqipërinë, nuk përmend në asnjë fjalë drogën, krimin, korrupsionin dhe shit-blerjen masive të votave, fakte që i di e gjithë bota. Pse nuk i përmend? Shumë e thjeshtë. Se është në shitje, dhe është blerë pikërisht nga këto para të pista, siç janë blerë jo pak lobistë të tjerë nga Edi Rama, në Bruksel, Berlin e Uashington”, thuhet në deklaratën e PD-së.
Ky reagim i natës vonë nga e selisë blu, rikthen gjuhën e akuzave ndaj ndërkombëtarëve si “të blerë nga Rama”, shfaqur gjatë muajve të çadrës në bulevard. /tesheshi.com/
