Ministri i Punëve të Brendshme, Flamur Sefaj ka bërë të ditur se ka marrë konfirmimin nga sekretarin gjeneral i Interpolit në Lion, Jürgen Stock se janë larguar emrat e personave nga jeta politike e Kosovës dhe ajo shoqërore, e të kërkuarve nga kjo organizatë.
“Në pikën e dytë të rendit të ditës (në takimin me sekretarin Stock) kemi pasur kërkesën që të bëhet edhe eliminimi dhe anulimi i emrave nga jeta politike të Kosovës dhe asaj shoqërore, të cilët ishin të kërkuar nga Interpol. Kemi kërkuar të eliminohen këta emra sepse kishim të bëjmë me kryeministrin por edhe me disa anëtarë tjerë të shoqërisë sonë. Kemi kërkuar të paktën të kemi një kohë të caktuar se kur do të bëhet kjo. Ata na kanë përsëritur se do të bëhet shumë shpejt. Dhe dy ditë pasi jemi kthyer nga Lion ata na kanë kontaktuar drejtpërdrejt dhe na kanë treguar se është aprovuar anulimi i emrave nga lista e të kërkuarve”, deklaroi Sefaj gjatë raportimin para anëtarëve të Komisionit kuvendar për Punë të Jashtme.
Kujtojmë se në listën e Interpolit, përveç kryeministrit Haradinaj, ish-deputetëve të PDK-së Azem Syla e Shkuri Buja gjendeshin edhe Tomor Morina, Sinan Morina, Fadil Kastrati, Murtez Kastrati, Ardian Duraku, Vitor Zefaj, Besim Vokshi, Mahmut Ukshini, Fadil Suljeviqi, Sylë Qeriqi, Qamil Pajaziti, Shpejtim Demiri, Azem Olluri, Muharrem Gashi, Bujar Bobani, Rabit Aliji dhe Faruk Noshaj. /tesheshi.com/
