Interpol ka paralajmëruar një mënyrë të re të funksionimit të trafikut të drogës apo armëve në kushtet e izolimit pandemik: me shërbim picash.
Policia spanjolle arrestoi shtatë persona, të cilët po aplikonin këtë metodë kamuflimi. Ata po transportonin kokainë dhe marihuanë me biçikletë, motor apo makinë nën shenjën e picave, sipas një deklarate nga Interpol me qendër në Lyon.
Droga ishte fshehur në paketim, sipas Interpol, e cila alarmoi 194 shtete anëtare të kësaj organizate ndërkombëtare në lidhje me mënyrën e re që po vepronin trafikantët e drogës.
Përveç Spanjës, këto metoda u aplikuan në Irlandë, Malajzi dhe Mbretërinë e Bashkuar.
Policia ka gjetur tetë kilogramë kokainë dhe dy armë zjarri të fshehura në kartona picash dhe në Irlandë.
“Kriminelët vazhdojnë të përshtaten me një botë të rrënuar nga pandemia koronare,” tha një zyrtar i Interpol i cili theksoi rëndësinë e paralajmërimit të policisë për këto mënyra të reja të trafikimit të drogës. /tesheshi.com/
