Interpol-i dhe Europol-i kanë njoftuar se rrjetet kriminale kanë përfituar rreth gjashtë miliardë dollarë gjatë vitit të kaluar prej fluksit të madh të emigrantëve.
Në deklaratën e përbashkët të këtyre agjencive thuhet se numri i emigrantëve pritet të rritet, duke marrë parasysh faktin se në Libi gjenden aktualisht 800.000 të tillë, në pritje të momentit për të kapërcyer Mesdheun e për të arritur në Bashkimin Europian, njofton agjencia e lajmeve Associated Press.
Europol-i dhe Interpol-i paralajmërojnë dhe për “rrezikun e shtuar nga hyrja e terroristëve në Europë përmes grupit të emigrantëve’’.
Në deklaratë përkujtohet se dy prej terroristëve që patën marrë pjesë në sulmet në Paris kishin hyrë në Bashkimin Europian mes emigrantëve nga Siria, nëpërmjet Greqisë, deri në Francë./tesheshi.com/
