Në interpelancën për skemën e re të ndihmës ekonomike thirrur nga opozita, kryeministri Rama e ka mbrojtur atë fuqimisht, duke ofruar dhe tregues shifrorë.
“Këtu u bë disa kohë që flitet në hava për 20 mijë familje të larguara nga skema, po nuk thuhet asgjëkundi që këto ndryshme që ne sollëm përmes fillimit të zbatimit të reformës kanë mundësuar që 15 mijë familje të përfshihen për herë të parë, ndërkohë që me skemën e vjetër nuk përfshiheshin dot. Nuk thuhet po ashtu që ende pa iu përllogaritur janë 10 mijë e 63 familje që kanë përfituar për herë të parë ndihmë ekonomike që deri dje përjashtoheshin vetëm për shkak të gropave dhe shtigjeve të mbyllura të skemës së vjetër e cila ishte fund e krye në duart e partive, kryetarëve të komunave e bashkive, në duart e këshillave i jepnin ndihmë ekonomike vetvetes”, tha Rama.
“Janë kryer deri tani 7601 intervista punësimi, vetëm në këto pak javë afro 200 persona kanë filluar punë, të tjerë janë në pritje me kompanitë private për të marrë përgjigje për punësimin. E përsëris, shumëkush nuk ka aftësi profesionale për të filluar punë menjëherë po të marrë 55 mijë lekë në muaj që të trajnohet dhe të bëhet i aftë për të filluar punë”, shtoi kryeministri.
Më pas Rama është përgjigjur për çdo rast të promovuar në media nga kreu i opozitës Basha, përgjatë dy javëve. /tesheshi.com/
