Interi i Milanos po tregohet shumë aktiv në merkaton e dimrit. Skuadra e Spaletit pritet të pasurohet me lojtarë në çdo repart dhe përfaqësuesit zikaltër janë shpërndarë kudo ka patur interes për futbollistë të caktuar.
Vetëm mbrëmjen e së premtes është mbyllur marrëveshja për të çuar në Milano brazilianin Rafinha nga Barcelona.
Pas një negociate që ka zgjatur thuajse një javë, përfaqësuesit e klubit italian kanë mundur të bindin drejtuesit spanjollë për transferimin e mesfushorit, i cili kalon i huazuar me të drejtë blerjeje për 35 milion euro, plus 3 milion bonus.
Sipas mediave, deçizive për këtë marrëveshje ka qenë dëshira e futbollistit, i cili duke parë rrugët e mbyllura tek Barcelona, ka kërkuar një aventurë të re për të treguar potencialin e tij. Nga ana tjetër, jepet e sigurtë se sulmuesi i Liverpool, Sturridge, ka dhënë pëlqimin për të ardhur në Milano.
Negociata me klubin britanik vazhdon, por tani që lojtari shprehu vullnetin e mirë gjërat mund të lehtësohen, për ta veshur edhe Sturridge zikalër.
Ka edhe një lajm të fundit që ka dalë nga drejtuesit e klubit të Milanos. Mateo Kovaçiç është një objektiv që mund të arrihet. Pasi e blenë në moshë fare të re, për ta shitur më pas tek Reali i Madridit, drejtuesit e Inter po tentojnë ta rikthejnë në Milano mesfushorin kroat, i cili nuk po gjen hapësira tek formacioni i Zidane.
Me këto objektiva që nuk duken të paarritshëm, e me mbrojtësin Lisandro Lopez që tashmë ka filluar stërvitjen me skuadrën, Interi po dëshmon se këtë sezon do të kërkojë maksimumin. /tesheshi.com/
