Prej ditës së djeshme nuk ka më bileta për takimin në Antalja midis përfaqësueses turke dhe asaj kosovare, e vlefshme për eliminatoret e botërorit Rusi 2016.
Federata Turke e Futbollit ka shprehur me këtë rast mirënjohjen për të gjithë blerësit e biletave për këtë ndeshje.
“I falënderojmë të gjithë tifozët tanë për interesimin e treguar për biletat,” thuhet në një njoftim të saj.
Sfida mes Turqisë dhe Kosovës do të luhet më 12 nëntor, e do të drejtohet nga një treshe hungareze, me kryesor gjyqtarin Tamas Bognar.
Të dy përfaqësueset nuk patën një përfaqësim të mirë në takimet e tetorit. Turqia barazoi 2-2 me Ukrainën, e humbi 2-0 me Islandën në fushë kundërshtare. Më i keq qe bilanci për Kosovën, që fillimisht u mund në Shkodër 0-6 nga Kroacia, për të humbur tre ditë më pas 3-0 ndaj Ukrainës.
Turqia ka 2 pikë në grupin I, dhe renditet në vend të katërt. Në vend të fundit është Kosova në këtë grup, me 1 pikë pas tre ndeshjesh. /tesheshi.com/
