Berisha morri në mbrojtje të ikurin nga kjo botë më vetëhedhje nga dritarja, gazetarin Kastriot Myftaraj.
Interesante është se si e justifikoi ai karakterin e keq, njerëzor dhe profesional të atij personazhi me rekordin e asnjë fjale të mirë për të, në jetë e pas vdekjes.
“Këto ditë ka vdekur një gazetar i cili ka qenë një gazetar i lirë, i pavarur, shkruante kundër çdo kryeministri, qeveritari. Natyrisht siç ndodh në jetën intelektuale, mund të kishte ndonjë problem të shëndetit mendor”, tha
Berisha në Kuvend, ndërkohë që investohet prej 30 vitesh që, rivalin e tij që në lëvizjen dhjetoriste, Edi Ramën, ardhur nga bota intelektuale, ta paraqesë si të sëmurë mendor.
Nga ana tjetër, në këtë mënyrë edhe vetë Berisha e pranon se Myftaraj ishte jo në rregull mendërisht.
Po pse i duhej Berishës të bënte avokatin e Kastriot Myftarajt?
Përgjigja vjen nga komentet e tij.
“Ai vdiq gazetari më i persekutuar në Europë. Nga kush? Nga Edi Rama. Kastriot Myftaraj u persekutua mizorisht nga Edi Rama”, tha Berisha, duke vijuar sulmin dhe nga Veliajt, me cilësimin e këtij të fundit “taleban”.
“Kjo vrasje pothuajse shtetërore merr firmën e zezë të një talebani në Bashkinë e Tiranës, Erion Veliaj. E dini çfarë tha ai, qytetari i parë i Tiranës?
Të marrim si variant se u hodh nga ballkoni, tha: ‘Kritikoni, kritikoni, por do e pësoni si ai!’. E tha duke qeshur. E thashë qëparë tabelan, por çfarë mund ta quash njeriun që i dëshiron vdekjen atij që kritikon me fjalë”, ishte arsyetimi i Berishës. /tesheshi.com/
