INTERESANTE/ Ata nuk duan të dëgjojnë për të: pse ky yll i EURO-s ka vulën e tradhëtarit

Një nga lojtarët më të mirë në Kampionatin Evropian të këtij viti është mbrojtësi i djathtë i Hollandës, Denzel Dumfries.

Ai ndihmoi hollandezët për të arritur performancën maksimale në fazën e grupeve. Ai ishte një hero absolut në ndeshjen e parë kundër Ukrainës dhe të dytën kundër Austrisë. Në të parën shënoi një gol, në të dytën shënoi dhe dha një asist që u shnndërrua gjithashtu në gol.

Ajo që është interesante për të është fakti se ai vjen nga ishulli i vogël i Aruba-s. Eshtë një ishull në Karaibe që është pjesë e Mbretërisë së Hollandës, por ka disa tipare të shtetësisë. Njëri prej tyre është ekipi i futbollit.

Në Aruba-n e vogël, vetëm 32 kilometra të gjatë dhe 10 kilometra të gjerë, jetojnë vetëm 115 mijë njerëz, të cilët kanë një ndjenjë të fortë të përkatësisë në ishullin e tyre dhe prandaj janë të zemëruar që Dumfries tradhtoi Aruba-n.

Futbollisti 25-vjeçar mori një ftesë dhe luajti për Aruba-n shtatë vjet më parë ndërsa ende luante për Barendrecht të një rangu më të ulët. Ai regjistroi dy ndeshje jozyrtare, por asnjë zyrtare.

Ai ia shpjegoi një vendim të tillë trajnerit të atëhershëm Giovanni Franken, duke i thënë se ishte duke pritur për një ftesë në Hollandë.

“Pastaj i kërkova të qëndronte dhe të luante për ne dhe ndeshjet zyrtare, por ai u përgjigj se nuk donte sepse po priste një telefonatë nga Hollanda. Ne të gjithë qeshëm me këtë, sepse atëherë ishte një fëmijë i cili luante për amatorë, por ai ishte serioz “, kujton Franken, sot një ndihmës në ekipin ADO Den Haag, në një intervistë me Voetbal International.

Ai më vonë shpjegoi pse njerëzit e Aruba-s ishin të zemëruar me të dhe e konsideruan atë një tradhtar.

“Aruba është një ishull krenar dhe kjo është arsyeja pse ata e cilësuan atë si një tradhtar. Zemërimi në Dumfries u rrit ndërsa ai u bë më i famshëm, duke arritur kulmin tani që ai është ylli i EURO-s dhe dëshirë e klubeve më të mëdha. Imagjinoni se si do të reagonin holandezët nëse Frenkie de Jong vendoste të luante për Belgjikën pas debutimit të tij për portokallinjtë?”.

Pas paraqitjeve të shkëlqyera në Europian, shumë të skuadra të mëdha janë të interesuar për Dumfries, përfshirë Bayern Mynih dhe Barcelona. Ai aktualisht luan për PSV dhe ka një klauzolë blerjeje prej vetëm 15 milion euro. /tesheshi.com/