Inteligjenca gjermane ka vënë nën vëzhgim partinë radikale të djathtë Alternativa për Gjermaninë (AfD).
Televizioni publik gjerman ARD raporton se autoritetet kanë arritur në përfundimin se ka prova të mjaftueshme që AfD po trajtohet si një rast i dyshimtë për shkak të qëllimeve anti-demokratike dhe anti-kushtetuese që po promovon.
Një përfundim i tillë lejon agjensinë e inteligjencës BfV të aktivizojë metodat e saj, duke përfshirë rekrutimin e informatorëve për të monitoruar aktivitetet e dyshimta të degëve federale dhe lokale të AfD dhe lidhjet e tyre të mundshme me grupet e ndaluara ekstremiste.
Partia radikale e djathtë AfD fitoi popullaritet gjatë shpërthimit të krizës së migrantëve në 2015 dhe dy vjet më vonë ajo fitoi 12 përqind të votave në zgjedhje dhe hyri në parlamentin gjerman – Bundestag.
Krerët e asaj partie kanë shkaktuar polemika të shumta në vitet e fundit, kryesisht me retorikë anti-emigrante, antisemite dhe islamofobe.
Kritikët akuzojnë AfD për përhapjen e ksenofobisë dhe racizmit anti-musliman në Gjermani, duke shkaktuar përfundimisht një rritje të ekstremizmit dhe dhunës.
Sondazhet e fundit të opinioneve tregojnë se AfD gëzon mbështetjen e rreth 10 përqind të elektoratit përpara zgjedhjeve parlamentare të shtatorit në Gjermani. /tesheshi.com/
