Shërbimi i inteligjencës gjermane (BND) dyshon në pretendimin e qeverisë amerikane se virusi i ri i koronar COVID-19 e ka origjinën në një laborator kinez, dhe e konsideron këtë pretendim si një manovër për të larguar vëmendjen nga gabimet e kabinetit Trump në luftën kundër pandemisë.
“Presidenti amerikan po përpiqet të largojë vëmendjen nga gabimet e tij me teorinë e origjinës së virusit në laborator dhe të transferojë zemërimin e amerikanëve në Kinë”, thuhet në analizën e BND dërguar mnistres së Mbrojtjes Annegret Kramp-Karrenbauer, zbuluar nga Spiegel.
Ditët e fundit, BND ka dërguar pyetje për partnerët që veprojnë brenda rrjetit “Five Eyes”, i cili përfshin shërbimet sekrete të Shteteve të Bashkuara, Britanisë së Madhe, Kanadasë, Australisë dhe Zelandës së Re, për prova mbi tezën se virusi kishte origjinën në laborator.
“Asnjë shërbim sekret nuk mund ta konfirmojë këtë teori,” shkruan Spiegel, referuar materialit.
Sekretari amerikan i Shtetit Mike Pompeo pretendoi javën e kaluar se ai zotëronte “prova bindëse” për teorinë se virusi e kishte origjinën në një laborator në Wuhan.
E njëjta teori po përhapet nga Trump, i cili po bën thirrje ndaj Kinës për të dhënë llogari.
Në të njëjtën kohë, BND akuzon Kinën se bëri presion mbi Organizatën Botërore të Shëndetit (OBSH) që të mos lëshojë një paralajmërim global për shkak të virusit koronar.
Sipas të njëjtave vlerësime, për shkak të këtij presioni në OBSH, “katër deri në gjashtë javë të çmuara” u humbën në luftën kundër përhapjes së pandemisë. /tesheshi.com/
