Rusia, përmes një aleati të ish-Presidentit Donald Trump, u përpoq të ndikonte në zgjedhjet presidenciale të SHBA në vitin 2020 me “akuza mashtruese dhe të pabazuara” kundër Joe Biden, zbuloi një raport të martën, dhe ku Irani u përpoq të përfshihej në një masë më të vogël.
Ky është përfundimi i një raporti prej 15 faqesh mbi ndikimin në zgjedhje, botuar nga Zyra e Drejtorit të Agjencisë Kombëtare të Inteligjencës.
Raporti pretendon se aleatët e Trump kanë punuar për Moskën kur ata përhapnin pretendime kundër Biden përmes njerëzve nga Ukraina të lidhur me Rusinë, shkruan Reuters.
Biden dhe djali i tij Hunter, drejtorë në bordin e drejtorëve të Burisma, një kompani private ukrainase e energjisë, shpesh janë akuzuar për praktika korruptive në atë vend dhe në Kinë.
Biden përfundimisht mundi Trump dhe u bë presidenti i ri i SHBA në 20 janar, dhe prokurorët e Delaware filluan një hetim mbi kthimet e taksave të Hunter Biden një muaj pas zgjedhjeve.
Agjencitë e inteligjencës amerikane gjetën përpjekje të tjera për të ndikuar te votuesit në raportin e ri, duke përfshirë operacionin e Iranit për të minuar mbështetjen e vendit për Trump.
Raporti gjithashtu flet për një përpjekje të aleatëve të Trump për të zgjeruar pretendimet se Kina po ndikon në zgjedhjet në favor të Biden, por mohon se Pekini bëri.
“Kina dëshironte stabilitet në marrëdhëniet e saj me Shtetet e Bashkuara dhe nuk mendonte se ndonjë rezultat i zgjedhjeve i jepte asaj përparësi të mjaftueshme për të rrezikuar përpjekje për të ndikuar dhe për t’u ekspozuar në të,” tha raporti.
Zyrtarët e inteligjencës amerikane thonë se Kuba, Venezuela dhe lëvizja libaneze Hezbollah, gjithashtu u përpoqën të ndikonin në zgjedhjet, megjithëse ato përpjekje ishin “më të vogla” se ato të Iranit dhe Rusisë.
Komuniteti i inteligjencës amerikane dhe ish-hetuesi special Robert Mueller publikuan një raport në vitin 2019 në të cilin ata arritën në përfundimin se Rusia gjithashtu ndikoi në zgjedhjet e 2016 në favor të Trump, duke sulmuar kundërshtaren e tij Hillary Clinton. /tesheshi.com/
