Klasa intelektuale e shqiptarëve në Maqedoni e përbërë nga profile të ndryshme profesionistësh, nëpërmjet portalit tesheshi.com kanë apeluar deri te partitë shqiptare që gjatë procesit të zhvillimit të bisedimeve me partitë maqedonase, gjegjësisht VMRO-DPMNE-në si bartëse e mandatit për formimin e qeverisë të kenë parasysh këto elemente:
- Duhet pas parasysh se VMRO-DPMNE akoma udhëhiqet nga persona që kanë përgjeqësi për gjendjen katastrofale në çdo segment të jetës shoqërore e politike dhe si të tillë nuk gëzojnë kredibilitet që edhe mëtej të udhëheqin me shtetin. Këtu janë dyshimet serioze për përfshirjen e tyre në megaskandale, shkatërimin e institucioneve, shembjen e proceseve euroatllantike dhe shkeljen mbi dinjitetin njerëzor;
- Gjendja ekonomike dhe sociale në shtet është sjellë gjer në mjerim, me ç’rast nga shteti janë shpërngul afro një të treat e rinisë, kuadro vitale për të cilat shumë janë harxhuar, kurse shtetet normale tani i marrin si prodhim të gatshëm;
- Pjesa dërmuese e votuesve në mbarë shtetin janë përcaktuar për ndryshime, kurse në segmantin shqiptar kemi dyfish më tepër që kanë votuar për ndryshime nga ata që kanë përkrahur gjendjen ekzistuese;
- Pjesa dërmuese e votave të fituara nga DPMNE janë jokredibile dhe jolegjitime, pasi janë siguruar, jo me merita, por me përbuzje, mashtrim dhe frikësim të votuesve të etnive tjera nga Shqiptarët, e cila thellë ka prekur shpirtin e çdo Shqiptari;
- Borxhi i shtetit është dyfishuar kurse mirëqenia sociale është përgjysmuar. Tani çdo qytetar dhe çdo fëmi që lindë ka borxh 2,5 mijë evro borxhe dhe 2,5 mijë evro të vjedhura. Kjo do të ketë pasoja të rënda për gjeneratat e ardhshme;
- Marrëveshjet me cilindo mandatar të bëhen jo me prapavijë për ruajtjen e regjimit ekzistues dhe interesave grupore, por me synim racional që vendi të orientohet drejtë demokratizimit, zhvillimit, hapjes së perspektivave, realizimit të barazisë dhe mirëqenies etnike në shtet, si dhe integrimit të vërtetë të RM në NATO dhe EU. 15. 01.
2017 Shkup
Prof.dr. Osman Kadriu Prof. dr. Remzi Izairi Prof. dr. Mersel Bilalli Prof. dr. Zemri Elezi Prof.dr. Aurora Ndrio Karameti Prof.dr. Sabaedin Zhuta Prof. dr. Zeqirja Idrizi Prof. dr. Mitasin Beqiri Prof. dr. Ibish Kadriu Prof. dr. Bashkim Selmani; Prof.dr. Naser Etemi Prof dr. Ali Musli Prof.dr. Sami Bislimi Dr. doc. Zineta Asani Dr. doc. Arlinda Kadri; Dr. doc. Qazime Sherifi Ismet Ramadani Sejdali Saliu Xhevdet Pozhari Shaban Zendeli Xhibe Emini Xhenur Iseini dhe 45 të tjerë”, kështu thuhet në apelin e intelektualëve shqiptarë në Maqedoni.
Kujtojmë se për momentin mandatin për formimin e qeverisë e ka lideri i VMRO-së si parti fituese e zgjedhjeve, por në rast se e njëjta nuk pranon kërkesat e partive shqiptare, dhe nuk arrin të formon qeverinë në afat prej 20 ditësh nga pranimi i mandatit, atëherë mandati kalon në partinë e dytë sipas numrit të deputetëve, në këtë rast LSDM-së. /tesheshi.com/
