Ashtu siç edhe pritej, integrimi i vendit në BE ka qenë në fokusit e konferencës së përbashkët mes kancelares gjermane Angela Merkel dhe kryeministrit Edi Rama, para gazetarëve.
Fillimisht, Merkel ka uruar shqiptarët për festat e pavarësisë, ndërsa më pas ka komentuar në mënyrë të përmbledhur ecurinë dhe progresin e Shqipërisë, drejt proçesit të integrimit në Bashkimin Evropian. Ajo tha se gjatë viteve të fundit ka patur shumë arritje, dhe në këtë rast ajo vlerësoi kryeministrin Rama si personi që duhet të marrë meritat më të mëdha, megjithatë sërish sipas saj ka ende shumë punë për të bërë.
“Shqipëria është një partnere e rëndësishme në 26 vite, kur u bë anëtare në Nato. Konstatojmë që Shqipëria është shëndërruar rrënjësisht, ka kryer hapa të rëndësishëm në shumë reforma gjatë viteve të fundit. KE e ka vlerësuar këtë fakt në raportin e fundit. Uroj kryeministrin Rama për këto zhvillime. Duke dërguar përfaqësusit në misionin Euralius është kërkuar që reforma jurdike të vihet në funksion dhe tani është e rëndësishme që kjo rrugë e nisur të vazhdojë. KE ka përmendur 5 prioritete si zbatimi i reformës në drejtësi, lufta ndaj krimit e korrupsionit, si hapa të përhershëm që duhen kryer, duke pasur parasyshë edhe zgjedhjet që ka Shqipëria, në kontakt me OSBE. Janë kryer gjëra të rendësishme, por kërkohet shumë forcë për ta ndjekur këtë rrugë’, u shpreh Merkel.
Më pas fjalën e mori kreu i qeverisë, i cili ndërsa fliste në gjuhën shqipe, tha se është i vetëdijshëm që vendi që ai drejton ka sërish shumë punë për të kryer, por kërkoi më shumë luajalitet nga Bashkimi Evropian.
“Proçesi i integrimit për ne, duhet të jetë sa më i ndershëm dhe i parashikueshëm. Shqipëria nuk kërkon asgjë të pamerituar. Nuk na e ka imponuar Brukseli, por na e kanë diktuar etrit tanë 104 vjet më parë, për t’u ndarë nga Lindja dhe për tu bashkuar me Perëndimin. Detyrat tona të shtëpisë nuk i shohim si një barrë nga BE, por një detyrim. Sot jam krenar, që gjendem krah jush, pasi e kemi shkruar në një sërë ligjesh këtë detyrë madhore të integrimit evropian. Jam i vetëdijshëm se nuk është fundit, por vetëm fillimi e zbatimit e ligjit të vettingut. 5 prioritete përbejnë një udhërrëfyes deri në ditën e anëtrësimit. Shqipëria kërkon nga BE të njëjtin luajalitet që i ka shprehur vazhdimisht BE-së me politikën e saj të jashtme. Ne kemi kryer reformat ë thella me ndihmën e miqve dhe tani është koha për të implementuar reformën në drejtësi, si më kryesorja në 5 prioritetet e integrimit”, u shpreh Rama.
Më herët, mbërritja e kryeministrit Rama në Berlin u prit me një ceremoni zyrtare që në aeroport, ku më pas i’u drejtua zyrave të kancelares Merkel./tesheshi.com/
