Një nga institutet kryesore ekonomike gjermane, Instituti i Kielit për Ekonominë Botërore (IfW), njoftoi se tregtia globale ngeci në shtator.
IfW ka publikuar analizën e fundit mbi tregtinë globale të mallrave.
Në analizë thuhet se ndërprerjet e zinxhirit të furnizimit u lehtësuan në shtator pasi kërkesa për mallra u dobësua përtej Atlantikut.
Sipas IfW, rreth 12 për qind e mallrave të transportuara në botë janë ende të bllokuara në portet kryesore. Ai shtoi se bllokimi në transportin e kontejnerëve në Detin e Veriut gjithashtu u reduktua.
“Vetëm në Gjirin Gjerman, 12 anije me kontejnerë presin të shkarkojnë mallrat. Një muaj më parë ishin 19”, thuhet në analizë.
Gjithashtu thuhet se në shtator, eksportet e Kinës pritet të bien me 0.9 për qind dhe importet të rriten me 3.9 për qind në krahasim me muajin e kaluar, ndërsa për Shtetet e Bashkuara të Amerikës, eksportet pritet të rriten me 0.1 për qind dhe importet të bien me 4. 4 për qind.
Në analizë thuhet se në shtator, eksportet në Gjermani pritet të bien me 0,1 për qind në Gjermani dhe në Bashkimin Evropian (BE) me 0,2 për qind.
Gjithashtu parashikohet që eksportet ruse të rriten me 0.2 për qind në shtator, ndërsa importet me 0.8 për qind krahasuar me muajin e kaluar. /tesheshi.com/
