“Institucionet e reja të Vetingut janë gati të fillojnë punën që sot”, u shpreh ministrja e Drejtësisë, Etilda Gjonaj, në një deklaratë për mediat.
Ajo tha se me përcaktimin e strukturës, pagave dhe godinës, këto institucione sot janë gati dhe tani mbetet të tregohet nga ana e tyre vullneti për fillimin e këtij proçesi.
“Këshilli i Ministrave mori një vendim të rëndësishëm për pagesën e shtesë të anëtarëve të komisioneve të vlerësimit, shumën shtesë të masës 20% të pagesës së përcaktuar me ligj.
Qeveria tregon me këtë vendim angazhimin serioz për këtë reformë. Institucionet e reja janë gati të fillojnë nga proçesi që sot. Mezi pritet edhe nga qytetarët që të japë rezultatet e para. Tani mbetet të tregohet nga vetë organet e vettingut vullneti dhe angazhimi për këtë proçes”, tha Gjonaj. /tesheshi.com/
