Në një përpjekje qartazi të lexueshme për krijimin e një njeriu me tipare revolucionare në politikë, tashmë që arriti të “vrasë babain” e tij politik, Berishën, kryedemokrati Basha po i mëshon fort me mesazhe mëngjesi të ashtuquajturit prej tij “vetting në politikë”.
Në të më të fundit, e “n”-ta në radhë, pra përsëritje pa aspak fantazi e të tjerave, ai shkruan:
“Shqipëria është vendi më i varfër në Europë, sepse është vendi më i korruptuar i Europës.
Një mijë e një hallet e njerëzve që rropaten për një jetë më të mirë, e sipërmarrësve që luftojnë për të mbijetuar në një ekonomi jo konkurruese, e të moshuarve të ndrydhur nga pensioni i pamjaftueshëm, i të rinjve që ëndrrat i kanë çdo ditë e më shumë larg Shqipërisë, janë një thirrje për t’i dhënë fund pandëshkueshmërisë, për ta pastruar politikën nga të gjithë ata që kanë abuzuar me besimin e qytetarëve, duke pasuruar veten dhe një grusht të vogël njerëzish”, shkruan Basha.
Por kujtojmë: kriza personale e tij në 15 vite protagonizëm politik është një nivel i ulët aftësie frymëzuese, inspiruese, e rrjedhimisht besueshmëerie ndaj tij, ndër të tjera nga mungesa e një identiteti spikatës politik. /tesheshi.com/
