Ka mbushur plotë 5 vjeç Instagram, rrjeti social i dedikuar tregimit të jetës së përditshme të qytetarëve të thjeshtë dhe të atyre që i cilësojmë VIP-a, nëpërmjet fotografive. Rrjeti u ideua nga dy miq të pasionuar pas Polaroidit.
Që prej krijimit të tij Instagram ka hyrë fuqishëm në treg dhe është mbushur menjëherë, në kohë reale me fotografi që tregonin për katastrofa natyrore, vente sportive dhe mondane, luftëra, e deri tek kopertina të ndryshme revistash.
Mbi 40 miliard fotografi janë shpërndarë në rrjet këto pesë vite: në Insagram postohen 80 milion imazhe çdo ditë , me 3.5 miliard pëlqime mesatare ditore dhe rritje me mbi 400 milion përdorues aktivë në muaj. Ai është kthyer në një ‘virus’ ngjitës, ku askush nuk i reziston dot.
Kohët e fundit në këtë rrjet social janë shtuar edhe personazhe të njohur si Hillary Clinton, Angela Merkel, Francois Hollande, David Beckham, Rhianna, Kim Kardashian etj./tesheshi.com/
