Pasi Twitter nën pronarin e ri Elon Musk vendosi të tarifojë për verifikimin, tani Instagram do të shtojë edhe verifikimin me pagesë.
Këtë e ka bërë të ditur pronari i Meta-s, i cili ka nën ombrellë këtë rrjet social, Mark Zuckerberg. Çmimi i shpallur është 11,99 dollarë për përdoruesit në web dhe 14,99 dollarë për përdoruesit e versionit iOS.
Sipas kësaj kompanie, kjo lëvizje është bërë me qëllim të rritjes së autenticitetit dhe sigurisë së këtij aplikacioni. Përveç verifikimit, përdoruesit që paguajnë për këtë shërbim do të kenë edhe një shtrirje më të madhe në këtë rrjet social, gjë që me siguri do të tërheqë një numër të madh të famshëm dhe një numër të madh kompanish.
Për momentin, ky shërbim do të jetë i disponueshëm vetëm në Australi dhe Zelandën e Re, por do të zgjerohet në të gjitha vendet me kalimin e kohës, raporton MSN. /tesheshi.com/
