Injorant historik: kush ishte i ri që “gërvishti” Coloseu-n?

Turisti që javën e kaluar gdhendi inicialet e emrit të tij dhe të dashurës në një mur të Coloseu-t të famshëm romak, kërkoi falje për veprimin e tij që, sipas tij, ishte për shkak të mosnjohjes së realitetit historik.

27-vjeçari Ivan Dimitrov, gjimnast nga Bullgaria, me banim të përhershëm në Bristol të Britanisë së Madhe, u identifikua pas një përpjekjeje të madhe nga policia italiane, Shoqata Italiane e Hoteleve dhe punonjësit e Coloseu-t. Ai është gati të gjobitet me 18 mijë euro.

Në një letër drejtuar kryetarit të Romës Roberto Gualtieri dhe banorëve të Qytetit të Përjetshëm, Dimitrov u kërkon falje të gjithë atyre që “me përkushtim dhe sakrificë mbrojnë vlerën e paçmuar historike dhe kulturore të Coloseu-t”.

I riu, në letrën e tij të shkurtër, i kërkon falje “italianëve por edhe gjithë botës” për dëmin që i ka shkaktuar një monumenti “që në fakt është pjesë e trashëgimisë kulturore ndërkombëtare”, siç nënvizon ai, gjë të cilën nuk e dinte më parë, para se të ndërmerrte aktin englendisës duke gdhendur murin antik. /tesheshi.com/