Presidenti amerikan Donald Trump tha të premten se ishte sarkastik kur ai sugjeroi që virusi koronar të mjekohet duke injektuar dezinfektues te pacientët, duke shkaktuar me këtë deklarim një ortek të egër reagimesh dhe dënimesh nga komuniteti shëndetësor në të gjithë botën.
Trump tha në një konferencë shtypi në Shtëpinë e Bardhë të enjten se do të ishte “interesante” të hetohet nëse dezinfektuesi mund të vrasë një virus në trup pasi e vret atë jashtë.
Komuniteti shkencor dhe ekspertë të shumtë më pas e akuzuan atë si të papërgjegjshëm, duke gjykuar se po bën deklaratat e tij “të rrezikshme”.
“Eshtë një propozim absolutisht i çmendur,” tha Paul Hunter, profesor i mjekësisë në Universitetin e Anglisë Lindore. “Mund të mos vdesësh nga Covid-19, por nga injeksioni i dezinfektantëve”, tha ai.
Trump u tërhoq më pas. “Ishte një pyetje sarkastike për reporterët si ju, vetëm për të parë se çfarë do të ndodhte,” u tha ai përfaqësuesve të mediave në një konferencë në Shtëpinë e Bardhë.
Fjalët e tij të enjten iu drejtuan Dr. Deborah Birx, e cila koordinon grupin e punës së presidentit për virusin koronar, i cili, siç shihet në video, nuk dha përshtypjen se ishte sarkazëm. /tesheshi.com/
