Futbolli vërtet është kthyer në sport merkatoje dhe fitimesh, por ka edhe nga ata lojtarë që kanë zgjedhur me zemër, e u kanë qëndruar besnikë skuadrave të tyre.
Këtë ka evidentuar në një shkrim të posaçën prestigjozja franceze “L’Equipe”, e cila rendit spanjollin e Barcelonës, Iniesta; italianin e Romës, De Rosi dhe francezin e Montpeljesë, Pione, si futbollistët që kanë qëndruar më gjatë në një skuadër, nga 15 vjet. Më pas në renditje vijojnë Perrë i Sent Etien, Prieto i Sociedad dhe Garsia i Las Palmas, me 14 vite.
Brenda 10 lojtarëve më “besnikë” të skuadrave të tyre, përfshihen edhe Mesi i Barcelonës, i cili luan për skuadrën e parë, që nga viti 2004. Sipas gazetës franceze, këta lojtarë kanë refuzuar transferimet në skuadra të tjera, edhe pse kanë patur shumë oferta, veçanërisht lojtarët e mirënjohur.
Ashtu si në jetë, edhe në futboll, ndonjëherë zemra del edhe mbi xhepin. /tesheshi.com/
