Dashamirët e kafshëve shtëpiake në Kroaci kanë vendosur që këtë vit të ndërmarrin një veprimtari të dobishme, me qëllim të rritjes së ndërgjegjësimit në lidhje me dëmet që shkaktojnë përdorimi i fishekzjarreve si për fëmijët dhe të rriturit, ashtu edhe për vetë kafshët.
Më së shpeshti duke u dridhur nga frika prej krismave, ata fshihen diku nën shtrat, në banjo, nën tryezë. Ata nuk e kuptojnë se kjo zhurmë e tmerrshme për ta nuk është e rrezikshme, është e përkohshme dhe është një lloj dëfrimi për fëmijët.
Një grup dashamirës të qenve nga agjencia kreative iZone ka vendosur që të përdorin shputën si logo, në mbështetje të mikut më të mirë të njeriut në këtë kohë festive. Ata kanë hartuar këtë iniciativë për të siguruar një mundësi që të dëgjohet zëri edhe i këtyre kafshëve shtëpiake. Me një seri të fotografive të këtyre kafshëve shtëpiake dhe me mesazhe rreth asaj se si të mbijetojnë ata këtë kohë festive dhe si ndikojnë të shtënat e fishekzjarreve mbi ta, këta dashamirë të kafshëve kanë arritur të tërheqin vëmendjen për një problem lehtë të zgjidhshëm: t’i thuhet stop hedhjes së fishekzjarreve.
Iniciatorët e kësaj iniciative kanë gjetur edhe alternativën për hedhjen e fishekzjarrëve. Në fakt edhe vetë logoja e tyre është: Mos hidhni fishkekzjarre – hidhni suxhuk!, dhe në këtë mënyrë, iniciatorët shpresojnë se do t’u dalin në ndihmë këtyre miqve që të kalojnë këto ditë ashtu siç ata e meritojnë./tesheshi.com/
