Inflacioni në Greqi ka goditur edhe dyqanet online, ka treguar një studim i ri.
Shportat e blerjeve online po tkurren pasi rritja e çmimeve detyron konsumatorët të porosisin më pak produkte, raportoi të shtunën gazeta Kathimerini, duke cituar një studim të fundit nga Convert Group.
Sipas hulumtimit, qarkullimi i dyqaneve online në tremujorin e parë të vitit 2023 ishte 76 milionë euro, dhjetë për qind më shumë se në tremujorin e parë të vitit 2022.
Megjithatë, u theksua se kjo rritje është shkaktuar kryesisht nga rritja e çmimeve, duke theksuar se numri i produkteve që konsumatorët blejnë është në rënie.
“Krahasuar me vitin e kaluar, numri i artikujve në shportën mesatare është ulur me dhjetë për qind në periudhën janar-mars 2023”, thuhet në të. /tesheshi.com/
