Një infermier, i dënuar me burgim të përjetshëm dyshohet se ka vrarë 84 pacientë në Gjermaninë veriore.
40-vjeçari, i identifikuar vetëm si Niels H , u dënua për vrasje në tentativë në vitin 2006 dhe vrasje në vitin 2015.
Viktimat e tij morën doza vdekjeprurëse mjekimesh në të gjitha njësitë ku ai punonte.
Të afërmit e pacientëve që vdiqën në klinikat ku ai punonte i kishin kërkuar policisë të hetonte më tej.
Një komision u ngrit në vitin 2015 për të hetuar shkallën e krimeve të tij, gjë që mund ta bënte atë vrasësin më të keq të Gjermanisë pas luftës.
Mjekimi që “infermieri monstër” u jepte pacientëve shkaktonte ndalimin e zemrës dhe mosfunksionimin e sistemeve të qarkullimit të gjakut.
Gjyqtarët thanë se ai ishte i motivuar nga dëshira për t´u shpallur “hero” duke ringjallur pacientët që ai kishte vrarë.
Gjatë gjyqit, ai pranoi dhënien e mjekimit vdekjeprurës për të paktën 90 persona në një klinikë të kujdesit intensiv në Delmendorst. /tesheshi.com/
