Personi më i fundit VIP nga politika shqiptare me COVID, është kryebashkiakja demokrate e Shkodrës Voltana Ademi. Para saj, ndër kryebashkiakë, vuajti Erjon Veliaj.
Ky i fundit zgjodhi t’i urojë shërim të shpejtë, por jo vetëm kaq. Me një sens të theksuar shoqëror, tej nadrjeve politike, i përcolli këshilla se ç’duhet të bënte në situatën ku ndodhej, me virusin në organizëm.
“Së pari, Voltanës dua ti uroj shëndet të plotë. Është shumë e rëndësishme që njerzillëku të prevalojë mbi çdo diferencë tjetër, por kjo nuk ndodhi me mua.
Dëgjova lloj-lloj çudirash, ka shkuar në Turqi, pse është nxirë e kur do vdesë; kështu që, nuk dua ta ushqej më këtë politikë përçarëse, ndaj unë dua t’i uroj Voltanës shëndet, jetë sa më të gjatë dhe një harmoni në familjen e saj, sidomos në këtë kohë të vështira kur duhet që shëndeti psikologjik të jetë po aq i fortë sa shëndeti fizik.
E këshilloj të marrë sa më shumë vitaminë C dhe D dhe të dëgjojë këshillat e mjekëve sepse vlejnë më shumë sesa çdo legjendë urbane dhe teori konspiracioni”, theksoi Veliaj.
Kujtojmë se Voltana Ademi është i vetmi emër nga radhët e opozitës që ushtron pushtet. Nga ana tjetër, ajo ka një përplasje permanente me kryeministrin Rama, i cili e kritikon për keqmenaxhimin e Shkodrës në nivel lokal. /tesheshi.com
